نشوى مصطفى: من يوم وفاة زوجى وأنا بمثل أنى موجودة

تحدثت نشوى مصطفى عن تأثير رحيل زوجها عليها، مؤكدة أن حياتها تغيرت بشكل كامل منذ وفاته، وقالت: خلال لقائها فى أحد البرامج الإذاعية: "أنا من يوم ما عماد مشي أنا مش موجودة، أنا بمثل إني موجودة.. زي بالظبط الشخص اللي حصلتله -بعد الشر عن الجميع- حادثة معينة ففقد البصر، هل هو بيموت بعد ما يفقد البصر؟ لأ هو عايش، بس عايش بشكل مختلف بيتعايش مع الحياة بشكلها الجديد وهو مش شايف.. عماد كان هو عينيا اللي بشوف بيها، وكان كل حاجة حلوة وكان السند كمان".

أسباب استمرار الزواج 32 سنة

وكشفت أن من أسباب استمرار زواجهما على مدار 32 سنة، هو قدرة زوجها على احتواء انفعالاتها، قائلة: "الراجل العظيم اللي بيحتمل طيش الست، لأن الست طايشة.. لأ، الست مشاعرها اللي بتسوقها مش عقلها، فممكن في مشاعر ثورة: "لأ بقى ماليش دعوة كل واحد يروح لحاله أنا مش هستحمل".. كان هو بيستوعب ويفسرلي إن ماينفعش ده يحصل.

آخر حوار دار بين نشوى مصطفى وزوجها

وروت نشوى مصطفى تفاصيل آخر حوار دار بينها وبين زوجها قبل وفاته، مؤكدة أنه ترك لديها ذكرى لا تنساها، وقالت: "لقيته قاعد وعمال يبصلي أوي كدة، إحنا كنا عندنا في الليفينج كنبتين قصاد بعض، هو يقعد في الكورنر بتاع الكنبة دي وأنا هنا، قصاد بعض كدة.. فبقوله بتبصلي كدة ليه؟ قال لي تصدقي إني اكتشفت إن أنا بحبك أكتر ما أنتي بتحبيني قلتله طب إيه بقى وزنت فين تعال نوزن في حتة محايدة.. قال لي بجد".

وتابعت نشوى مصطفى: "قلتله ليه بتقول كدة؟ قال لي عشان ما فيش ولا مرة زعلنا فيها من بعض غير أنا اللي جيت صالحتك، فقعدت أقوله.. فروحت قلتله آه شوفت بقى ده برهان إن أنت اللي بتزعلني إن أنا عمري ما زعلتك.. بس قعدت فكرت.. إيه الراجل الراقي ده اللي عارف ضعف الست فـ يستوعب ويتنرفز وكل واحد يقعد في أوضة بس قبل ما ننام لازم يجي يصالحني.. وأنا كنت بتصالح على طول لما أكون أنا كمان غلطانة فبتلم يعني الحقيقة